de geili kajli macht eus muet, das eus es spiel bevor staht, wommer eifach nur gnüsse müend und de spielstand kei rollä spielt.
mir als ufstieger, im durchschnitt 20cm chliner als de gägner aber mindestens gnau so luut, sind ready fürd revanche vom cupspiel.
bim ihschlah het zuzu alles uspackt & mer het scho fast chli angst umd domi gha, wo blocklos de bäll usgsetzt worde isch.
mer sind verhalte in erste satz gstarted und grad 5:0 hine gsi, bi 10:3 hets s erstä timeout brucht & s zweite bi 17:5. nach es paar spektakuläre ballwächsel hemmer de satz mit 25:12 müesse abgäh und hend eus gfreut, dasmers no über 10 pünkt gschafft händ.
topmotiviert vom guete schlussspurt simmer ufs feld & hend souverän en 3:0 vorsprung chönne usehollä. de 2ti satz isch prägt vo starchä service, clevere ahgriff & gueti defensearbet. de satzgwünn isch zum griiffe nah & jede punkt wird gfiired als wers de sieg. au wenns schlussendli nöd glangd het, hets sich guet ahgfühlt. 25:21 für eusi gäst.
mer started in 3te satz, d tribüüne voll zueschauer & eusi ersatzspieler-fänkurve on fire. bis id mitti vom satz isches recht usgliche gsi und mir als underdog hend echt guet chönne mithebe, kratzet & gfisched was das zeug hält. ab 12:10 für zuzu ischs den bergab & mir hend nüm eusi topleistig chönne bringe zum die gezielte hammerschläg zverteidige, wie au im ahgriff zpunkte. mit 13 pünktli beendemer das spiel und freued eus ufd rückrundi, um alles us eus usezhollä. moussaka – fattouuush – GAGA BANOUSH!