Samichlaus du liebe Maa,
hüt staht als Gegner Tornado a.
Drum fahremer ez nach Adliswil,
dHalle Hofern isch euses Ziel.
Da müemer würkli sii uf Zack,
zwei Pünkt hämmer bis ez im Sack
und hole wämmer hüt no meh,
damit du, Chlaus, eus nöd musch dFitzä gäh.
De letscht Match im Jahr staht eus bevor,
es letschts Mal rüefemer alli im Chor:
«Hutschi bibbela hutschi pa,
hu ha hu haha!»
sTrikot montiert, es sitzt dFrisur,
bim Iiwärme mached mir e gueti Figur.
Super isch dUswahl a Süessigkeite,
grüeni Fröschli dünd gueti Stimmig verbreite.
Uf Mitti spieled dAnna, dLaura und dLynn,
als Zueschauer debi: dNadine und dCyn.
Uf Pass sind dDjurdji und dSophia,
dMichelle und dFjolla sind im Isatz als Dia,
uf Usse dJenny, dGlesni und dBetty,
Gegner häts au e ganzi Schwetti.
dDomi isch eusi Libera,
möchti ganz vill Böle ha.
Coache tuet eus hüt de Kaj,
ohni Pünkt wämmer alli nöd hei.
Samichlaus,
Ich red nöd lang um dä heiss Brei ume:
Dä Match hüt hemmer leider nöd gunne.
25:17 für Tornado endet de 1.Satz,
obwohl mir no vill Böle hend kratzt.
Am Aafang hämmer guet mitghalte,
chönd eus am Schluss aber nöd rechd entfalte…
Zum de Satz hole, hettis bruuchd no meh,
trotzdem häts es paar tolli Aktione gäh.
Es chlöpft, de Agriff cha niemer ha.
Punkte Uster, Moussaka!
Haha, de Service vo de Laura isch top gsi –
en Netzroller – mir tanzed sheikh el mahshi.
Nachme Block heeped mir: «Fattoush!»
Sust rüefemer im Chreis: «Gaga – banoush!»
Am Schluss simmer aber zwenig erpicht…
Nach 21 Minute isch de 2.Satz Gschicht.
25:15 müemer ihn leider abgäh,
ez nervts eus echd, mir chönd doch meh!
De Schiri pfiifft, de nächst Satz gaht los,
am Aafang spieled mir famos.
Mit 26:24 müemer vom Spielfeld gah,
i dem Satz hettemer wüki Chance gha…
sFüür und Überzügig hend teilwiis gfählt,
was eus immer no ebitzli grämt.
3:0 gschlage müemer dHalle verlah,
Gegner hemmer scho sympathischeri gha.
Euisi Fankurve verdient es bsunders Lob,
will sie unermüedlich und wie verruckt tobt.
Für dRückrundi sind ganz vill Revanche offe,
wo mir no uf es paar Pünkt tünd hoffe.
von Dominique